O Rural ten futuro: o luns día 10 comezan as xornadas sobre as oportunidades no medio rural

07.12.18 09:55

O Concello do Barco organizou unhas xornadas sobre oportunidades no medio rural, baixo o título "O rural ten futuro", que terán lugar nos meses de decembro e xaneiro. Estas xornadas teñen como obxectivo a posta en valor do medio rural, no que existen posibilidades de desenrolo económico.

Nas xornadas vanse ofrecer seis conferencias, nas que persoas con experiencia na posta en marcha de iniciativas no mundo rural darán a coñecer como se decidiron por desenrolar unha actividade económica neste ámbito.

As experiencias que se darán a coñecer son ás do banco de terras, o cultivo do arándano, a plantación de produtos da horta, as experiencias do olivar, a cría do porco celta, e o aproveitamento dos soutos.

Os interesados poderán asistir as charlas, que terán lugar no Salón de Actos do Multiusos, ás 19,00 horas dos luns de decembro e xaneiro, sen necesidade de inscrición previa.

 

 

OBarcoDeValdeorras

Nueva Ventana Xunta de Galicia
  • Rus
  • Eng