O día 28 celebrase un mercado de segunda man na praza Andrés de Prada

15.05.17 14:30

Aberta a inscrición para todos os que desexen participar nesta actividade

Dentro da Campaña de reciclaxe 2017 impulsada dende a Concellería de Medio Ambiente do Concello, decidiuse a posta en marcha dunha nova iniciativa aberta a todos os cidadáns para o fomento das 3R´s. Tratase dun MERCADO DE 2ª MAN, que terá lugar na Praza Andrés de Prada o día 28 de maio, de 17,00 a 21,00 horas, e no que se poderán poñer á venda obxectos usados: libros, xoguetes, roupa, … etc. Deste xeito preténdese alongar a vida útil de utensilios e produtos cotidianos, evitando que rematen no colector antes de tempo.

A inscrición para tomar parte neste mercado de segunda man, para o que se instalarán as casetas que sexan precisas, deberá realizarse nas oficinas de medio ambiente (1º andar, Ed. Multiusos) con data límite o día 24 de maio. Poderán inscribirse todas as persoas que o desexen, e que queiran por a venda obxectos usados.

OBarcoDeValdeorras

Nueva Ventana Xunta de Galicia
  • Rus
  • Eng