Inquedanza presenta o sábado Ave Mundi Luminar

21.05.13 10:39

A compañía de danza ponferradina Inquedanza presenta este sábado, 25 de maio, no Barco (Teatro Lauro Olmo, 20h) Ave Mundi Luminar, un espectáculo que vén de gañar o premio Buero Joven de teatro na fase autonómica de Castela e León. A representación está organizada por Gargallada Teatro. As entradas poranse á venda a tres euros unha hora antes da representación.

Ave Mundi Luminar é unha proposta ecénica que fusiona diferentes disciplinas para mostrar de maneira suxerinte unha serie de imaxes e personaxes xurdidas do universo persoal do coreógrafo galego Juan Moredo. Estreada en 2001, a peza ten incorporado novidades ao longo destes anos sempre sobre a base sonora de pezas de Bach. Neste tempo ten recollido o recoñecemento da crítica que cualificou a obra de “sinfonía total que conxuga a luz, o movemento-danza, a música, a palabra e o vídeo cos sons creados e os silencios, elementos dispares que mesturados dan paso a un fermosos espectáculo”. Trátase dunha coreografía contemporánea cargada de símbolos e sensacións, de claves persoais que transforman o movemento en cor.

A compañía Inquedanza foi creada en 1998  por Dolores Seijas e José Ramos, lucenses afincados na capital do Bierzo e con máis de vinte anos de experiencia no campo da danza e do teatro respectivamente. Inquedanza é o único grupo dedicando á danza na provincia de León.

OBarcoDeValdeorras

Nueva Ventana Xunta de Galicia
  • Rus
  • Eng