O Concello do Barco destina 5000 euros para premios aos grupos que participen no desfile, que sairá o martes 16 de febreiro ás 17h30 da Avenida Conde Fenosa, para rematar unha hora máis tarde na praza Maior. Unha concentración de disfraces e comparsas que representa o momento máis concorrido deste ciclo festeiro.

Poderán participar no concurso os grupos de 10 ou máis persoas que se inscriban previamente, segundo o número de participantes optarán a premios entre 150 e 295 euros. A inscrición pode facerse no servizo de cultura, persoalmente, por e-mail ou por teléfono chamando ao 988320053.

Ademais do martes as outras citas do Entroido son o domingo na praza Maior a partir das 18h30, onde haberá música para bailar, no mesmo lugar o mércores ás 20 h. para despedir os días de troula coa parodia do Enterro da Sardiña e nos restaurantes do Barco desde o venres ao martes para degustar os sabores do Entroido.

SMC